“Dövlət sifarişli yerlərin sayı əvvəlki illərlə müqayisədə artaraq 24 280-ə çatıb”.
AzEdu.az xəbər verir ki, bunu Peşə Təhsili üzrə Dövlət Agentliyinin direktoru Ceyhun Kərəmov peşə təhsili ilə bağlı təşkil olunan brifinqdə söyləyib.
O bildirib ki, 2020-ci ildən etibarən peşə təhsilinə maraq 71,5% artıb. 2025/2026-ci tədris ili üçün 78 peşə təhsil müəssisəsində 152 ixtisas olmaqla ümumi qəbul planı 32 620 yer olacaq. Onlardan 75%-i dövlət sifarişli, 25%-i isə ödənişli əsaslarla olması planlaşdırılır. Ayrılan plan yerlərində ötən ilki rəqəmlərlə müqayisədə 5.4% faiz artım var. Növbəti illərdə peşə təhsilinin əlçatanlığının daha da artırılması planlaşdırılır.
