Orta ixtisas və peşə təhsili müəssisələrinin tələbələri də “Tələbə plus” kartının üstünlüklərindən yararlana biləcəklər.
AzEdu.az “Azərbaycan müəllimi”nə istinadən xəbər verir ki, verdiyi açıqlamada Təhsilin İnkişafı Fondunun İdarə Heyətinin sədri Elnur Nəsibov deyib. Onun sözlərinə görə, artıq Peşə Təhsili üzrə Dövlət Agentliyi bu barədə müraciət edib və proqram peşə təhsili səviyyəsində də yaxın vaxtlarda reallaşacaq:
“Ali təhsil müəssisləri ilə işlər yekunlaşdıqdan sonra orta ixtisas və peşə təhsili müəssisələrinin də tələbələri kartlarla təmin ediləcəklər”.
Elnur Nəsibov əlavə edib ki, tələbə kartlarından təkcə dövlət müəssisələrinin tələbələri deyil, özəl müəssisələrdə təhsil alanlar da istifadə edə bilərlər:
"Biz qapını geniş açmışıq, bakalavr, magistr təhsil səviyəsində oxumağından, Elm və Təhsil Nazirliyinin nəzdində fəaliyyət göstərməyindən asılı olmayaraq, özəl və ya dövlət fərqi qoymadan hamıya dəvət göndərmişik və cavab gözləyirik”.
