Bir çoxumuz streslə mübarizə üsulu olaraq şəkər, un və yağ tərkibi yüksək olan qidalara müraciət edirik. Bu qidaların piylənmə, şəkər kimi bir çox xəstəliklərin yolunu açdığı dəqiqdir.

AzEdu.az xəbər verir ki, stresin artdığı dövrlərdə stres səviyyəsini azaldan qidaların seçilməsi son dərəcə əhəmiyyətlidir.

Stresin azalmasında faydalı olduğu qidaları təqdim edirik:

Balqabaq toxumu: Stres zamanı yüksələn və stres əlamətlərini azaldan kortizol səviyyələrinin tənzimlənməsində rol oynayan maqneziumun əsas mənbəyidir. 

Yulaf əzməsi: Südə və ya qatığa serotonin səviyyəsini artıraraq stresi azaldan yulaf əzməsi əlavə edərək əyləncəli və sağlam yeməklər hazırlamaq olar.

Qırmızı bibər: C vitamininin yaxşı mənbəyidir. Vitamin C qanda stres hormonu olan kortizol səviyyəsini aşağı salaraq stresi aradan qaldırmağa kömək edir.

Yaşıl Çay: Tərkibində əhval pozğunluqlarına müsbət təsir göstərən L-Theanine amin turşusu var. L-Theanine stresi azaldan serotonin və dopamin hormonlarının istehsalına kömək edərkən; Beyində streslə əlaqəli kimyəvi maddələrin səviyyəsini aşağı salaraq stres və narahatlığı azaldır.

Somon: Streslə mübarizədə aktiv rol oynayan D vitamini və Omeqa-3 yağ turşuları ilə zəngin olan qızılbalığı qril/qaynatma/bişirmə kimi sağlam bişirmə üsulları ilə hazırlayaraq həftədə ən az iki dəfə istehlak etmək olar.

Tünd şokolad: Beyindəki serotonin və endorfin kimi bizi yaxşı hiss etdirən nörotransmitterlərin səviyyəsini artırır. 

Yaşıl mərcimək: Əhval-ruhiyyəni yaxşılaşdırmağa kömək edən selenium baxımından son dərəcə zəngin olan yaşıl mərciməkləri salatlarda və ya yeməklərdə istifadə edərək streslə mübarizəyə əlavə edə bilər.

Kefir: Probiotik qidalar bağırsaq florasını tənzimləyərək stresi azaltmağa kömək edir.

Qaragilə: Streslə mübarizədə təsirli olan dopaminin istehsalına kömək edir. 

Yumurta: Serotonin yaratmağa kömək edən bir amin turşusu olan triptofanın əsas mənbəyidir.