Dilçilik İnstitutu elmi-tədqiqat işlərinin aparılmasında Türk Dil Qurumu ilə əməkdaşlıq edəcək. AzEdu.az xəbər verir ki, bu gün Türk Dil Qurumunun rəhbəri, professor Gürer Gürsevin AMEA-nın Nəsimi adına Dilçilik İnstitutunda müzakirələr aparılıb.
İnstitutun direktoru, akademik Möhsün Nağısoylu Azərbaycan və Türkiyə elmi-ədəbi əlaqələrindən danışıb. O, rəhbərlik etdiyi elmi müəssisədəki şöbələr, onların strukturu və vəzifələri barədə qonağa ətraflı məlumat verib.
Professor G.Gürsevin şöbələrin əməkdaşları və fəaliyyət planları ilə tanışlıqdan məmnun olduğunu bildirib. Tükiyəli alim elmi-tədqiqat işlərinin aparılmasında Azərbaycan dilçiləri ilə yaxından əməkdaşlıq edəcəyini söyləyib.
