Həbsdə olan güneyli müəllimin vəziyyəti ağırlaşıb 

Tehranın “Evin” həbsxanasında məhbus həyatı yaşayan azərbaycanlı müəllim Cəfər İbrahiminin səhhəti pisləşib.

AzEdu.az xəbər verir ki, bu barədə “Azad İran” “Telegram” kanalı Müəllimlərin Həmkarlar İttifaqına istinadla məlumat yayıb.

Bildirilir ki, həbsxana rəhbərliyi milli fəalın ağır vəziyyətinə baxmayaraq, onun müalicəsinə imkan vermir.

Qeyd edək ki, sentyabrın 3-də güneyli müəllim saxlanıldığı yerdən çıxarılaraq xəstəxana adı ilə Qızılhisar həbsxanasına köçürülüb.