Hökümətlərarası təqaüd proqramında ölkələr üzrə təhsil səviyyəsi fərqlənir. Hər ölkə üçün ayrı-ayrı təhsil səviyyələri üzrə təqaüd proqramı nəzərdə tutulub.
AzEdu.az xəbər verir ki, bu barədə Elm və Təhsil Nazirliyi Xaricdə təhsil və əcnəbilərlə iş sektorunun məsləhətçisi Niftalı Qasımlı danışıb.
“Təhsil səviyyələri təqaüd ölkələrinə görə dəyişə bilir. Məsələn, Türkiyədə yalnız doktorantura səviyyəsidir. Çində, Macarıstanda, Latviyada və Qazaxstanda bakalavr və magisrt səviyyələri üzrə təhsil nəzərdə tutulub. Tacikistan və Rumıniyada hər 3 təhsil səviyyəsi, Rusiyada isə yalnız bakalavr təhsil səviyyəsi üzrə təqaüd proqramı nəzərdə tutulub”.
