Azərbaycanın “Qarabağ” və Türkiyənin “Qalatasaray” klubları arasında Bakı Olimpiya Stadionunda keçirilən xeyriyyə oyunu qonaqların qələbəsi ilə başa çatıb.

AzEdu.az xəbər verir ki, FIFA referisi Əliyar Ağayevin idarə etdiyi oyunda hesabı “Qalatasaray” açıb. Matçın 4-cü dəqiqəsində İstanbul təmsilçisinin heyətində Bafetimbi Qomis fərqlənib. Görüşün 19-cu dəqiqəsində “Qarabağ”ın oyunçusu Redon Cica hesabı bərabərləşdirib.

Matçın ilk hissəsi 1:1 hesablı heç-heçə ilə başa çatıb.

İkinci hissənin 87-ci dəqiqəsində Mauro İkardi penalti zərbəsii ilə hesabı qonaqların xeyrinə dəyişib - 1:2.

Görüşdən əldə olunan gəlir Türkiyədə baş vermiş zəlzələdən əziyyət çəkənlərə yardım üçün göndəriləcək.