Martın 5-də keçirilmiş buraxılış imtahanında 50498 şagirdin iştirakı nəzərdə tutulurdu.
Amma müəyyən səbəblərdən imtahanda iştirak edə bilməyən şagirdlər olub. Onların sayı barədə konkret rəqəm açıqlanmasa da, sosial şəbəkələrdə narahatlıq ifadə edən valideynlərin az olmadığını söyləmək mümkündür.
İndi onları bir sual maraqlandırır: bu şagirdlərin aqibəti necə olacaq?
Dövlət İmtahan Mərkəzinin Mətbuatla iş sektorunun müdiri Xanlar Xanlarzadə AzEdu.az-a açıqlamasında məsələyə aydınlıq gətirib.
“Üzrlü səbəbdən buraxılış imtahanında iştirak edə bilməyənlər Dövlət İmtahan Mərkəzinə müraciət edir və araşdırma aparıldıqdan sonra bununla bağlı müvafiq qərar qəbul olunur”.
