AzEdu.az xəbər verir ki, prosesi Azərbaycan İnternet Forumunun prezidenti Osman Gündüz də izləyib.

 

O, öz  “Facebook” hesabında “məsləhətçi - kompüter proqramçısı” inzibati vəzifəsini tutmaq istəyən iddiaçılarla görüşdüyünü bildirib.

 

Deyib ki, prosedur nə qədər şəffaf və ədalətli olsa da, bəzi məqamlar mövcud qaydalarda problemlər mövcuddur:

 

“Baxmayaraq ki, iddia olunan vəzifə kompüter-proqramçılıqla bağlıdır, amma  vəzifəyə gəlmək istəyən namizəd bu sahəyə heç marağının olmadığını, texnologiyalardan elə də istifadə etmədiyini açıq-aşkar bildirir”.

 

Osman Gündüz iddiası olduğu sahəyə marağı olmayanların orada hansı işləri görəcəyini anlamadığını bildirib:

 

“Bütün bunlara baxmayaraq, müsahibə üçün otaqlar ayrılmalı, biz də oturub bu cür namizədlərin dediklərinə qulaq asmalı, videoçəkiliş aparılmalıyıq”.

 

Osman müəllimin sözlərinə görə, bu prosesə xeyli insan və maddi-texniki resurslar cəlb edilir. Bu cür iddiaçılar da dəfələrlə müraciət edə bilirlər:

 

“Mövcud qaydalar isə bu namizədlərə və onların istənilən sayda müraciətlərinə hər hansı məhdudiyyət qoymur. Fikrimcə, burada tənzimləmə məsələlərini təkmilləşdirməyə ehtiyac var”.