https://www.zirve.edu.az/
06.03.2018 13:54
Dövlət orqanlarında vakant vəzifələr üzrə daxili müsahibələr elan edildi

2018-ci il 05 mart tarixində 5 dövlət orqanında ümumilikdə 155 vakant vəzifə üzrə daxili müsahibə elanları verilib.

Dövlət İmtahan Mərkəzindən AzEDU.az-a verilən məlumata görə, 2018-ci il 05 mart tarixində 5 dövlət orqanı üzrə Ekologiya və Təbii Sərvətlər Nazirliyi      (130 vakant vəzifə), Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi (12 vakant vəzifə), Kənd Təsərrüfatı Nazirliyi (2 vakant vəzifə), Müəllif Hüquqları Agentliyi (10 vakant vəzifə), Mədəniyyət və Turizm Nazirliyində (1 vakant vəzifə) ümumilikdə 155 vakant vəzifə üzrə daxili müsahibə elanları verilib.

Vakant vəzifələr üzrə sənəd qəbulu 19 mart 2018-ci il tarixədək davam edəcək.

Qeyd edək ki, Maliyyə Nazirliyi (10 vakant vəzifə) və Tarif Şurasının Katibliyində (1 vakant vəzifə) olan vakant vəzifələr üzrə elan edilmiş daxili müsahibələrə sənəd qəbulu yekunlaşıb və müraciət etmiş dövlət qulluqçuları ilə müsahibələr yaxın günlərdə keçiriləcək.