2021-08-01 11:00:00
Mehriban Əliyeva "Yüksəliş" müsabiqəsi qaliblərini təbrik edib
Mehriban Əliyeva "Yüksəliş" müsabiqəsi qaliblərinə təbrik məktubu ünvanlayıb
AzEdu.az həmin məktubu təqdim edir.
“Yüksəliş” müsabiqəsinin qaliblərinə
Əziz dostlar,
Sizi – intellektual səviyyəsi və idarəçilik keyfiyyətləri yüksək olan rəhbər şəxslərin müəyyən edilməsini, dəstəklənməsini və ölkədə kadr ehtiyatı bankının yaradılmasını təmin etmək məqsədilə təsis olunan “Yüksəliş” müsabiqəsinin qaliblərini səmimi qəlbdən təbrik edirəm.
Müasir dövrdə hər bir fəaliyyət sahəsində yeni ideya və baxışlar tələb edilməklə yanaşı, elmi biliklərə əsaslanan bacarıq və vərdişlərə malik kadr ehtiyatlarının mövcudluğu vacib şərtlərdən biridir. Danılmaz həqiqətdir ki, peşəkar insan ehtiyatı hər bir ölkənin sərvəti hesab olunur.
İnsan kapitalının inkişaf etdirilməsi bizim üçün həmişə ciddi qəbul edilən prioritet məsələ olmuş və olmaqda davam edir. Ölkəmizdə yüksək intellektə malik insan kapitalının formalaşması və inkişafına, şəxsin müasir bilik və bacarıqlara yiyələnməsinin təmin edilməsinə, müxtəlif sahələrdə qazanılmış qabaqcıl dünya təcrübəsini tətbiq edərək onun potensialının üzə çıxarılmasına hər zaman xüsusi diqqət yetirilib.
Azərbaycan son illər ərzində bir çox uğurlara imza atıb, qələbələr qazanıb. Azərbaycan “qara qızılı” insan kapitalına çevirməyi bacaran ölkədir. Davos Ümumdünya İqtisadi Forumunun hesabatına əsasən bir çox göstəricilərə görə Azərbaycan dünya miqyasında ön sıralardadır. Ölkəmiz regionda həyata keçirilən bir sıra mühüm layihələrin təşəbbüskarı və iştirakçısıdır. Bu gün müstəqil Azərbaycan dövləti özünün ən şanlı dövrünü yaşayır. Müzəffər Azərbaycan Ordusunun Vətən müharibəsində qazandığı Zəfər müasir tariximizin ən parlaq səhifələrini təşkil edir. Sözsüz ki, bütün bu uğur və qələbələrə biz xalqımızın zəngin insan potensialına arxalanaraq nail ola bilmişik.
Əziz dostlar,
“Yüksəliş” müsabiqəsi zamanın çağırışlarına cavab olaraq kadr ehtiyatının zənginləşdirilməsi və təkmilləşdirilməsi istiqamətində atılmış mühüm addımlardandır. Əminəm ki, dövlətimizin daimi diqqət və qayğısı ilə siz tükənməz enerji ilə çalışaraq müstəqil Azərbaycanın inkişafı naminə hər zaman öz töhfələrinizi verəcəksiniz. Sizi bir daha təbrik edir, hər birinizə möhkəm cansağlığı və yeni-yeni nailiyyətlər arzulayıram.
Mehriban Əliyeva
Azərbaycan Respublikasının Birinci vitse-prezidenti
Heydər Əliyev Fondunun prezidenti
Bu bölməyə aid digər xəbərlər
Bu il buraxılış imtahanları asan keçirildi?
2024-04-19 09:39:00
“Tarixdə bu gün” - 19 aprel necə yadda qalıb?
2024-04-19 09:28:00
AzTU tələbələri Azərbaycanı Portuqaliyada təmsil ediblər
2024-04-19 09:14:37
Bu gün 30 dərəcə isti olacaq
2024-04-19 08:37:54
Sabah Bakıda 27, bölgələrdə 30 dərəcə isti olacaq
2024-04-18 12:51:23
9 illik bazada növbəti buraxılış imtahanı keçiriləcək
2024-04-18 11:27:00
ADNSU-nun tələbəsi karate üzrə dünya çempionu olub
2024-04-18 09:53:42
Bu gün temperatur 28 dərəcəyədək yüksələcək
2024-04-18 08:42:55
Buraxılış imtahanlarına asan suallar salınır?
2024-04-18 08:30:00
Şimal Tacı bürcündə yeni ulduz alışması gözlənilir
2024-04-17 16:48:05
kitabı
ÇOX OXUNANLAR
18 Aprel 2024, 12:35
Sertifikasiya imtahanının vaxtı AÇIQLANDI
18 Aprel 2024, 10:04
DİM-dən 17 mart buraxılış imtahanının nəticələri ilə bağlı AÇIQLAMA
17 Aprel 2024, 10:21
Sertifikasiya:“Müəllimlərin hazırlığa getməsi qəbuledilməzdir”
16 Aprel 2024, 13:10
10 mart buraxılış imtahanının nəticələri AÇIQLANDI
17 Aprel 2024, 12:14
Regionlar üzrə ən çox bal toplayanlar – Mərkəzi Aran bölgəsinin ŞAGİRDLƏRİ
11 Aprel 2024, 10:25
Hansı ixtisas qruplarına qəbul olmaq asandır?
18 Aprel 2024, 12:40
Sertifikasiyadan keçə bilməyənlər bu il imtahan verəcək
16 Aprel 2024, 13:26
Buraxılış imtahanından maksimum balı onlar topladı - SİYAHI
FACEBOOK