https://www.zirve.edu.az/ #
2021-07-26 13:08:00
Təhsil Nazirliyi: 1363 tələbə köçürülmək üçün müraciət edib  

Tələbələrin köçürülməsi üzrə elektron sənəd qəbulu iyulun 26-sı saat 15:00-dək davam edəcək.

Təhsil Nazirliyindən bildirilib ki, bu günədək transfer.edu.az portalı vasitəsilə həyata keçirilən elektron sənəd qəbulu zamanı ümumilikdə 1363 nəfərin müraciəti qeydə alınıb. Onlardan 14-ü magistratura səviyyəsindən, 113-ü xaricdə yerləşən ali təhsil müəssisəsindən, 127-si orta ixtisas təhsili müəssisəsindən, 1123 nəfəri isə ölkə daxilində yerləşən ali təhsil müəssisəsindən köçürülmək və ya ixtisasını dəyişdirmək üçün qeydiyyatdan keçib.