Təhsil İnstitutu müəllimlərin işə qəbulu müsabiqəsində və sertifikasiya imtahanında iştirak edəcək namizədlər üçün sınaq imtahanlarına start verir.
İnstitutdan AzEdu.az-a bildirilib ki, onlayn formatda təşkil olunacaq sınaq imtahanları iyun ayı ərzində ibtidai təhsil, riyaziyyat, Azərbaycan dili və ədəbiyyat, ingilis dili, tarix, fizika, biologiya, coğrafiya, informatika və kimya fənləri üzrə keçiriləcək.
Sınaq imtahanlarında iştirak könüllü və ödənişli əsaslarla təşkil olunacaq. İmtahanların keçiriləcəyi tarix, iştirak etmək üçün qeydiyyat, iştirak haqqı və digər lazımi məlumatlar yaxın günlərdə ictimaiyyətə açıqlanacaq.
