Dövlət İmtahan Mərkəzi sentyabrın 10-da Cəlilabad rayonu, Ocaqlı kəndi, 1 nömrəli tam orta məktəbdə buraxılış imtahanı verməli olan şagirdlərə müraciət edib.
DİM-dən AzEdu.az-a verilən xəbərə görə, Ocaqlı kəndində olan hazırkı sanitar-epidemioloji vəziyyətlə əlaqədar həmin kəndin 1 nömrəli orta məktəbində keçirilməsi nəzərdə tutulan buraxılış imtahanı Cəlilabad rayonu, 1 nömrəli Sabirabad kənd orta məktəbində keçiriləcək: “Bu günə qədər imtahana buraxılış vərəqəsini çap etmiş şagirdlərdən xahiş olunur ki, DİM-in saytına daxil olub yenilənmiş “İmtahana buraxılış vərəqəsi”ni çap etsinlər.
Sentyabrın 10-da Cəlilabad rayonu, Ocaqlı kəndi, 1 nömrəli tam orta məktəbdə imtahan verməli olan şəxslər, buraxılış imtahanını Cəlilabad rayonu, 1 nömrəli Sabirabad kənd orta məktəbində verəcəklər"
