Azedu.az
https://modern.az/ https://www.instagram.com/apak.az/
2020-06-23 09:24:00
Məktəblilərə verilən sorğu valideynləri qəzəbləndirdi

Britaniyalı şagirdlərə öz dəfn mərasimləri barədə düşünmək və həmin tədbir üçün çiçək, mahnı seçmək, dəvət olunanların siyahısını hazırlamaq tapşırığı verilib.

 

AzEdu.az-ın məlumatına görə, bu barədə RT xəbər yayıb.

 

Müqəddəs Pavel katolik kilsəsinin nəzdində fəaliyyət göstərən məktəbin səkkizinci sinif şagirdləri kremasiya, yaxud ənənəvi dəfn mərasimi seçimi barədə də yazmalı olublar.

 

Valideynlər bu sorğudan bərk qəzəbləniblər. Onlar koronavirus pandemiyası dövründə bu cür tapşırığın xüsusilə qəddar olduğunu bildiriblər.

 

Lester administrasiyası artıq məsələyə görə üzrxahlıq edib. Məktəb nümayəndələri isə sorğunu səhvən keçirdiklərini deyiblər.