https://www.zirve.edu.az/
14.01.2020 15:30
AzTU-da 7 yeni dekan seçildi

Azərbaycan Texniki Universitetində (AzTU) dekan seçkisi yekunlaşıb.

Universitetin mətbuat xidmətindən  AzEdu.az-a verilən məlumata görə, seçkinin nəticələrinə əsasən, Lalə Əzizova “Energetika, elektrotexnika və avtomatika, Zəkay Şayev “Nəqliyyat və logistika”, Nizami Poladov “Metallurgiya və materialşünaslıq”, Ərəstun Məmmədov “Maşınqayırma və robototexnika”, Taleh Şirinov “İnformasiya və telekommunikasiya texnologiyaları”, Fərqanə Musayeva “İqtisadiyyat və idarəetmə”, Elçin Rzayev isə “Xüsusi texnika və texnologiya” fakültəsinin dekanı seçilib.

Məlumat üçün bildirək ki, bundan əvvəl Texniki Universitetdə 8 fakültə olub. 02.10.2019-cu il tarixndə Elmi Şuranın qərarı ilə dünyada mövcud sənaye trendləri, innovativ inkişafın texniki tədqiqat və təhsil qarşısında qoyduğu müasir çağırışlar nəzərə alınaraq AzTU-da elmi tədqiqatların prioritet istiqamətləri təsdiq olunub. Bu elmi istiqamətlər üzrə 7 fakültə yenidən təşkil edilib.