“Gənclərin xarici ölkələrin nüfuzlu ali təhsil müəssisələrində təhsil almalarına dair 2022-2028-ci illər üçün Dövlət Proqramı” çərçivəsində 2026-2027-ci tədris ili üzrə bakalavriat, magistratura və doktorantura səviyyələrinə qəbulun nəticələri müəyyən olunub.
AzEdu.az-ın əldə etdiyi məlumata görə, bakalavriat səviyyəsi üzrə qəbul olunanların ölkələr üzrə bölgüsündə ilk sırada Böyük Britaniya və Şimali İrlandiya Birləşmiş Krallığı yer alır. Belə ki, bu ölkənin ali təhsil müəssisələrində 77 nəfər təhsil alacaq. Siyahıda növbəti yerləri Çin Xalq Respublikası 17 nəfər, Türkiyə Respublikası 16 nəfər və Amerika Birləşmiş Ştatları 7 nəfər tutur.
Daha sonra Sinqapur Respublikası və Koreya Respublikası üzrə hər birində 3 nəfər, Almaniya Federativ Respublikası və İsveçrə Konfederasiyası üzrə isə hər birində 1 nəfər Dövlət Proqramı çərçivəsində təhsil almaq hüququ qazanıb.
