2020-ci ilin ilk Ay tutulması başa çatıb. 

N.Tusi adına Şamaxı Astrofizika Rəsədxanasından  AzEdu.az-a bildirilib ki, birinci Ay tutulması  yanvarın 10-dan 11-nə keçən gecə baş verib. 

Bu, yarımkölgəli Ay tutulmasıdır. Tutulma hadisəsi yanvarın 10-da saat 21:08-də başlayıb və yanvarın 11-i saat 01:12-də sona çatıb. Tutulmanın maksimumu saat 23:11-də olub. Tutulma hadisəsini Avropa, Asiya, Afrika, Avstraliyada müşahidə etmək mümkün olub. 

Adi gözlə izləmək isə çətin olub. Tutulmanın maksimum fazasında Ay adi bədrlənmiş (dolu) aydan bir az tünd görünüb. Tutulma hadisəsi Azərbaycanda da izlənilib.