Azedu.az
https://modern.az/ https://www.instagram.com/apak.az/
2020-01-08 12:32:00
Bakının iki rayonu üzrə müəllim və valideynlərin müraciətləri dinləniləcək

Yanvarın 17-də müəllim və valideynlərin səyyar qəbulu keçiriləcək.

Bakı Şəhəri üzrə Təhsil İdarəsindən (BŞTİ) AzEdu.az-a bildirilib ki, paytaxtın 275 nömrəli tam orta məktəbində Suraxanı və Xətai rayonları üzrə təşkil olunacaq səyyar qəbul saat 10:00-da başlayacaq.

Səyyar qəbulda müəllim və valideynlərin müraciətləri BŞTİ-nin rəhbərliyi və struktur bölmə əməkdaşları tərəfindən dinləniləcək, müvafiq tədbirlər görüləcək.

Xatırladaq ki, səyyar qəbulun təşkil edilməsində əsas məqsəd vəzifə funksiyalarının tələb olunan səviyyədə yerinə yetirilməsi istiqamətində müəssisə rəhbərlərinin məsuliyyətinin artırılması, vətəndaşları maraqlandıran məsələlərə yerində aydınlıq gətirilməsi, məktəblərdə sağlam və yaradıcı mühitin təmin olunması üçün sistemli işin aparılmasından ibarətdir.