Azərbaycan Milli Elmlər Akademiyasının Qafqazşünaslıq İnstitutunun Şimali Qafqaz şöbəsində elmi seminar keçirilib. İnstitutdan AzEdu.az-a verilən məlumata görə, seminarda şöbə müdiri Liliya Mirzəzadə “Rusiyanın Şimali Qafqaz siyasəti” mövzusunda məruzə ilə çıxış edib.
O, çar Rusiyasının “parçala və hökm sür” prinsipi əsasında regionda həyata keçirdiyi strategiyanı mərhələli şəkildə təhlil edib.
“Çeçenistanda etnik-dini şərait” mövzusunda məruzə edən şöbənin elmi işçisi Günay Feyziyeva mövcud etnik kimlik, din, dil problemləri və bu məsələlərə təsir edən daxili və xarici amilləri təhlil edib.
