Alimlər görmə qabiliyyətini itirmiş siçanların yenidən işığı qəbul etməsinə imkan verən xüsusi göz damcıları hazırlayıblar.
AzEdu.az xəbər verir ki, preparat gen terapiyası, göz implantı və ya xüsusi işıqlandırma sistemlərindən istifadə etmədən görmə funksiyasını qismən bərpa edib.
Tədqiqatçılar işığa həssas maddələrdən istifadə etməklə tor qişadakı hüceyrələrin yenidən işığa reaksiya verməsini təmin ediblər.
Təcrübələr zamanı siçanlar işığa əsaslanan davranış tapşırıqlarını yenidən yerinə yetirə biliblər.
Alimlər bildirirlər ki, bu nəticələr insanlarda müəyyən görmə pozuntularının müalicəsi üçün yeni istiqamət aça bilər.
Lakin preparatın insanlar üzərində istifadəyə hazır olması üçün əlavə təhlükəsizlik və klinik sınaqlara ehtiyac var.
