Çində Zhejiang Universitetinin alimləri uşaqların erkən yaşlarda ekran qarşısında keçirdiyi vaxtın onların gələcək inkişafına və təhsil nəticələrinə təsirini araşdırıblar.
AzEdu.az xarici mediaya istinadən xəbər verir ki, tədqiqatın nəticələri xüsusilə 1 və 6 yaşlarında ekran qarşısında uzun müddət vaxt keçirən uşaqlarda sonrakı illərdə akademik göstəricilərin daha zəif ola biləcəyini göstərib.
Araşdırmada ekran istifadəsinin uşaqların işçi yaddaşı və öyrənmə qabiliyyəti ilə əlaqəsi də diqqətə alınıb. Alimlər hesab edirlər ki, uşağın məktəbə başladığı dövr ekran istifadəsinə nəzarət baxımından xüsusilə həssas mərhələdir.
Tədqiqat nəticələri valideynlərin uşaqların telefon, planşet və digər rəqəmsal cihazlardan istifadəsinə erkən yaşlardan nəzarət etməsinin vacibliyini göstərir. Xüsusilə məktəbəqədər dövrdə ekran qarşısında keçirilən vaxtın həddindən artıq olması uşağın dərsə, diqqətə və öyrənmə prosesinə mənfi təsir göstərə bilər.
Fidan Şahkərəmova
