https://www.zirve.edu.az/
27.03.2018 08:21
Çinin “Hua Pei” şirkəti ilə Azərbaycanla əməkdaşlıq edəcək

Azərbaycan Milli Elmlər Akademiyasının (AMEA) Yüksək Texnologiyalar Parkı (YTP) ilə Çinin “Hua Pei” şirkəti arasında əməkdaşlıq müqaviləsi imzalanıb.

AzEDU AMEA-ya istinadən xəbər verir ki, Çin Xalq Respublikasının Ningbo şəhərində keçirilən “İlk Çin qlobal ekspertlər zirvəsi” forumu çərçivəsində sənədi YTP direktorunun beynəlxalq əlaqələr üzrə müavini Məmməd Bağırzadə və “Hua Pei” şirkətinin baş direktoru Yan Li imzalayıblar.

Müqaviliyə əsasən, iki qurum birgə silisium uçqun mikropiselnli strukturları əsasında innovativ, yeni fotoqəbuledicilər istehsal edəcək.

Ötən il YTP-də beynəlxalq texnologiyaların köçürülməsi, birgə yüksək keyfiyyətli məhsulların yaradılması və təşviqi məqsədilə Azərbaycan-Çin Texnologiya Transferi Mərkəzi yaradılıb.