![](https://azedu.az/uploads/news/2024/05/azedu.az_azedu.az_1640089596027_(1)_128_955.jpg)
Hər bir uşağın gələcək inkişafının əsas təməli məhz onun erkən yaşlarında təhsili zamanı qoyulur. Azərbaycanda uşaqlar artıq 1 yaşından başlayaraq məktəbəqədər təhsilə cəlb oluna bilir. Lakin statistikalara əsasən 1-5 yaş arasında olan uşaqların bağçalara cəlb olunma göstəriciləri 4 nəfərindən yalnız 1-ni əhatə etməklə aşağı səviyyədə olaraq qalır.
Şəhər yerləri ilə müqayisədə kənd yerlərində uşaqların məktəbəqədər təhsildə iştirak səviyyəsi isə hətta daha aşağı ola bilir.
Məsələ ilə bağlı AzEdu.az-a açıqlama verən məktəbəqədər təhsil üzrə mütəxəssis Xalidə Musayeva qeyd edib ki, məsələ ilə bağlı ölkə bir çox tədbirlər həyata keçirir ki, ümumi olaraq problemlər aradan qalxsın:
“Sadəcə olaraq təhsil müəssisələrinin tikilməsi və qurulması çox vəsait tələb edən sahədir. Ona görə də dövlət bununla bağlı alternativ versiyalardan istifadə edir. Hazırda məsələ ilə bağlı nazirlik tərəfindən də tədbirlər görülür.
Bir neçə il əvvəl məktəbəqədər yaş dövrünə cəlb olunan uşaqların sayı 16% -i əhatə edirdisə, hazırda bu rəqəm 30% -ə qədər yüksəlib. Sözsüz ki, ölkə bu göstəricini 100% -ə qaldırmaq niyyətindədir. Çünki uşaqların erkən yaş dövründə təhsilə cəlbi onların inkişafında ən vacib dövr hesab olunur. Hansıki həmin dövrdə uşaq insanın ömrü boyu qazandıqları bacarıqların 70%-dən çoxunu əldə edir. Bu məsələ nə qədər doğru və peşəkarlar tərəfindən aparılsa, o qədər yüksək nəticə əldə olunar”.
Ekspert vurğulayıb ki, ailə tipli məktəbəqədər müəssisələrinin açılması daha faydalıdır:
“Son dövrlərdə məktəbəqədər təhsil müəssislərindən əlavə icma əsaslı təhsil qrupları açılmağa başlayıb. Bu da öz növbəsində xeyli uşağın təhsil almasına səbəb olur, eyni zamanda uşaqların müəyyən bacarıqları əldə edib, məktəbə hazırlanmalarına dəstək olur. Əslində bu çox gözəl bir layihədir. Çünki minimal xərclə uşaqların erkən inkişafı təmin edilir. Bir çox beynəlxalq təşkilatların Azərbaycanda apardığı tədqiqatlar var ki, bunun nə qədər keyfiyyətli layihə olduğunu müəyyən ediblər”.
Son olaraq X.Musayeva söyləyib ki, məktəbəqədər təhsil müəssisələri uşaqlara təkcə bilik deyil, müəyyən bacarıqları da ötürməyi bacarmalıdır:
“Erkən yaşda təhsil çox vacib və faydalı prosesdir. Uşaqların bağçaya getməsi məktəbə adaptasiya prosesini tezləşdirir. Yəni məktəbə gedənə qədər uşaqların bağçada aldığı bilik və bacarıqlar məktəbdə dərsi daha sürətli qavramasına gətirib çıxarır. Hesab edirəm ki, məktəbəqədər təhsil müəssisələri uşaqlarda biliklə yanaşı, bacarıqlarında formalaşması üçün müəyyən tədbirlər görməlidir”,- deyə fikrini yekunlaşdırıb.
kitabı
![İmtahanda 600-dən yüksək bal toplayan tələbələr bu universiteti seçiblər İmtahanda 600-dən yüksək bal toplayan tələbələr bu universiteti seçiblər](https://azedu.az/uploads/news/2024/09/azedu.az_azedu.az_63650df7c17ac63650df7c17af16675670950e26627da6ea2e4a5eb2e85f11bbcf25_362_445.jpg)
![Şəki-Zaqatala bölgəsinin yüksək bal toplayanları - SİYAHI + FOTO Şəki-Zaqatala bölgəsinin yüksək bal toplayanları - SİYAHI + FOTO](https://azedu.az/uploads/news/2024/09/azedu.az_1709468912_2ad846ea-950d-31ca-a7a8-d60a336dbf27_850_899.jpeg)
![Müsahibə mərhələsi: Sertifikasiya və MİQ arasında fərq nədir? Müsahibə mərhələsi: Sertifikasiya və MİQ arasında fərq nədir?](https://azedu.az/uploads/news/2024/08/azedu.az_1698041596_azedu.az_12_955_353.jpg)
![MDU-da “Tyutor xidməti - 2024” təlimləri çərçivəsində seminarlar keçirilib MDU-da “Tyutor xidməti - 2024” təlimləri çərçivəsində seminarlar keçirilib](https://azedu.az/uploads/news/2024/08/azedu.az_17250022613984028789_1200x630_842.jpg)
![Rekord sayda körpə doğulub Rekord sayda körpə doğulub](https://azedu.az/uploads/news/2024/08/azedu.az_IMG_9348_191.png)
![Şəkidəki bu məktəbin fəaliyyəti DƏYİŞDİ Şəkidəki bu məktəbin fəaliyyəti DƏYİŞDİ](https://azedu.az/uploads/news/2024/08/azedu.az_118523855_3244799365615912_1637893163469662027_n_32.jpg)
![Kolleclərin boş qalan yerlərinə qəbulun NƏTİCƏLƏRİ Kolleclərin boş qalan yerlərinə qəbulun NƏTİCƏLƏRİ](https://azedu.az/uploads/news/2024/09/azedu.az_azedu.az_3026a214-101c-3101-8224-2f8ee7c3845d_850_20_768.jpg)
![Füzulinin ilk məzunları – “Təsəvvür edə bilməzdim ki, burada oxuyaram” Füzulinin ilk məzunları – “Təsəvvür edə bilməzdim ki, burada oxuyaram”](https://azedu.az/uploads/news/2024/08/azedu.az_WhatsApp_Image_2024-08-29_at_13.40.35_826.jpeg)