![](https://azedu.az/uploads/news/2024/04/azedu.az_d2dd68a0-8429-3f8c-8b8d-241b35ccbbad_850_288.jpg)
Bakı Dövlət Universitetinin (BDU) Jurnalistika fakültəsində Mətbuat Şurasının otağının açılışı olub.
AzEdu.az xəbər verir ki, tədbirdə BDU-nun Jurnalistika fakültəsinin rəhbərliyi və Mətbuat Şurası İdarə heyətinin üzvləri iştirak ediblər.
BDU-nun rektoru Elçin Babayev çıxışı zamanı deyib ki, universitetin Jurnalistika fakültəsi peşəkar jurnalist kadrlarının hazırlanmasında mühüm rol oynayır: "Bu gün bizim məzunlarımız medianın müxtəlif sahələrində çalışırlar və özlərini doğruldurlar. Amma biz istəyirik ki, tələbə-jurnalistlər praktik bilik və və bacarıqlara daha çox yiyələnsinlər. Bunun üçün Mətbuat Şurasının otağı mühüm əhəmiyyətə malikdir. Ümid edirəm ki, bu otaqda mühüm iclaslar keçiriləcək".
Mətbuat Şurası İdarə heyətinin sədri Rəşad Məcid isə qeyd edib ki, Şura ilə Jurnalistika fakültəsi arasında əməkdaşlıq getdikcə inkişaf edir: "Bu, çox yaxşı haldır. Jurnalistika fakültəsində Mətbuat Şurası otağının olması da çox yaxşı təşəbbüsdür. Şuranın Şikayətlər Komissiyasının iclasları tələbələrimizin iştirakı ilə keçiriləcək. Düşünürəm ki, bu, onların yetişməsində mühüm rol oynayacaq".
R.Məcid söyləyib ki, cəmiyyətin peşəkar jurnalistlərə həmişə ehtiyacı var: "Jurnalistika fakültəsini bitirənlər həmişə öz müsbət fəaliyyətləri ilə seçilirlər".
Jurnalistika fakültəsinin dekanı Vüqar Zifəroğlu çıxışı zamanı bildirib ki, Mətbuat Şurası otağının yaradılmasında bir neçə məqsəd var: "Birincisi, Jurnalistika fakültəsi ilə Mətbuat Şurası arasında əlaqələri genişləndirməkdir. İkincisi, biz istəyirik ki, Mətbuat Şurasının üzvləri ilə fakültə və hətta universitet tələbələri arasında müntəzəm görüşlər təşkil olunsun. Bunun üçün xüsusi bir məkanın olmasını məqsədəuyğun hesab edirik. Üçüncü bir tərəfdən, Mətbuat Şurasının bəzi komissiyalarının iclaslarının fakültəmizdə təşkilinin tələbələr üçün maraqlı və əhəmiyyətli olacağını düşünürük. Çünki xüsusilə şikayətlər komissiyasının iclası birbaşa olaraq jurnalistika fakültəsində tədris olunan "KİV- in hüquqi tənzimlənməsi", "Jurnalist etikası" fənləri ilə bağlıdır. Beləliklə, tələbələr nəzəriyyədə öyrəndiklərini inkişaf etdirmək imkanı qazana bilərlər".
kitabı
![Bu il müsahibə mərhələsi yeni qaydalarla həyata keçiriləcək Bu il müsahibə mərhələsi yeni qaydalarla həyata keçiriləcək](https://azedu.az/uploads/news/2024/07/azedu.az_Ekran_goeruntusu_2024-07-19_113921_631.png)
![MİQ imtahanlarının vakansiya seçimində onlara güzəşt olunacaq MİQ imtahanlarının vakansiya seçimində onlara güzəşt olunacaq](https://azedu.az/uploads/news/2024/07/azedu.az_1721642356_1720415859_1720241435_1719386088_1689050098_azedu.az_imtahan_699_164.jpg)
![MİQ-ə yaxşı hazırlaşmayan müəllimlər prosesdən şikayətçidirlər MİQ-ə yaxşı hazırlaşmayan müəllimlər prosesdən şikayətçidirlər](https://azedu.az/uploads/news/2024/07/azedu.az_Yeni_Proje_(2)_529.jpg)
![](https://azedu.az/uploads/news/2024/07/azedu.az_17213778413134733106_1200x630_560.jpg)
![700 balı o TOPLADI 700 balı o TOPLADI](https://azedu.az/uploads/news/2024/07/azedu.az_1721402644_1718172932_azedu.az_whatsapp_image_2024-06-12_at_09.57.55_983_266.jpeg)
![Vunderkind: 700 bal toplayacağıma inanırdım Vunderkind: 700 bal toplayacağıma inanırdım](https://azedu.az/uploads/news/2024/07/azedu.az_IMG-20240719-WA0108_196.jpg)
![Masallıda 94 məzun fərqlənmə attestatı alıb Masallıda 94 məzun fərqlənmə attestatı alıb](https://azedu.az/uploads/news/2024/07/azedu.az_cc54c206c6de4a35b9df65213b798d8718720242017388_635.jpg)
![Peşə təhsili müəssisələrində işə qəbul müsabiqəsinə başlanılır Peşə təhsili müəssisələrində işə qəbul müsabiqəsinə başlanılır](https://azedu.az/uploads/news/2024/07/azedu.az_azedu.az_1690528156_06-01.08.22-01_286_732.jpg)