![](https://azedu.az/uploads/news/2023/07/azedu.az_363492639_1294693067843589_8653769204751408254_n_388.jpg)
İyulun 28-də təhsildə inkişaf və innovasiyalar üzrə VII qrant müsabiqəsinin nəticələri elan olunub.
Müsabiqənin qaliblərindən biri də Milli Məclisin Mədəniyyət Komitəsi ilə AzEdu.az təhsil portalının birgə keçirdiyi "İlin Gənc Müəllimi-2022" müsabiqəsinin qaliblərindən olan ibtidai sinif müəllimi Səidə Quliyevadır.
“Məktəbin savadlı maliyyəçiləri” adlı layihə ilə müsabiqəyə qatılmış Səidə Quliyeva 63.2 balla qrant alanlar siyahısına düşüb. Onun layihəsinin məqsədi şagirdlərin maliyyə savadlılığının artırılmasına yönəlib.
AzEdu.az Səidə müəllimə ilə əlaqə saxlayaraq, müsabiqə ilə bağlı təəssüratlarını öyrənib.
"Müsabiqəyə "Ümumtəhsil müəssisələri" kateqoriyası üzrə qatılmışdım.
İlk dəfə Təhsildə inkişaf və innovasiyalar üzrə IV qrant müsabiqəsində “Həmkardan həmkara dəstək” adlı layihəmlə iştirak etmişəm. O zaman necə həyəcan və sevinc vardısa, bu dəfə də elə idi. V və VI qrant müsabiqəsinə də fərdi kateqoriya üzrə layihə ilə qoşulmuşdum. Təəssüf ki, qalib ola bilmədim. Ancaq geri çəkilmədim və bu dəfə yenidən layihə təqdim etdim. Bu dəfə layihəm "Ümumitəhsil müəssisələri" kateqoriyasında qalib oldu.
Maliyyə savadlılığının artırılması ilə bağlı layihələr daha çox böyük şəhər məktəblərində, yaxud da rayon mərkəzi məktəblərində həyata keçirilir. Hazırda regionda yaşayan və işləyən bir gənc kimi iqtisadi - maliyyə savadlılığının artırılması ilə bağlı layihələrin, görüşlərin, təlimlərin ucqarlarda keçirilməsinə ehtiyac olduğunu öz təcrübəmdən bilirəm. Bundan ötrü yaşadığım Ucar rayon kənd məktəblərində araşdırma aparmışam və bu araşdırmaların nəticəsi olaraq məktəblilərin maliyyə savadlılığının aşağı olması, lakin onların bu sahədə bilik və bacarıqlarının artırmaq istəklərinin isə yüksək olması qənaətinə gəlmişəm. Layihə maliyyə savadlılığı, gələcəkdə öz rifah hallarını yaxşılaşdıra bilmək üçün maliyyə məhsulları və konsepsiyalarını başa düşmək, maliyyə risklərini və imkanlarını qiymətləndirmək, məlumatlı seçimlər etmək və digər səmərəli addımlar atmaq üzrə bacarıqlar əldə olunmasına yardımçı olacaq. Bunu 5-6-7-ci sinif şagirdləri arasında təbliğ etmək daha məqsədəuyğun sayılar. Çünki onların bu yaşda maliyyə savadlılığı ilə bağlı qazandıqları bilik və bacarıqlar gələcək şəxsi və peşəkar həyatlarında çox lazım olacaqdır.
Layihə ucqar kənd məktəbi şagirdlərinin qənaət və israf, pulun tarixi, büdcə anlayışı mövzularında maarifləndirilməsində və onların müasir maliyyə alətlərindən istifadə üzrə biliklərinin artırılmasında mühüm rol oynacaq”.
Qeyd edək ki, Səidə Quliyeva Ucar rayonu A.Abdullayev adına Alpı kənd tam orta məktəbinin direktorudur.
kitabı
![İmtahanda 600-dən yüksək bal toplayan tələbələr bu universiteti seçiblər İmtahanda 600-dən yüksək bal toplayan tələbələr bu universiteti seçiblər](https://azedu.az/uploads/news/2024/09/azedu.az_azedu.az_63650df7c17ac63650df7c17af16675670950e26627da6ea2e4a5eb2e85f11bbcf25_362_445.jpg)
![Şəki-Zaqatala bölgəsinin yüksək bal toplayanları - SİYAHI + FOTO Şəki-Zaqatala bölgəsinin yüksək bal toplayanları - SİYAHI + FOTO](https://azedu.az/uploads/news/2024/09/azedu.az_1709468912_2ad846ea-950d-31ca-a7a8-d60a336dbf27_850_899.jpeg)
![Müsahibə mərhələsi: Sertifikasiya və MİQ arasında fərq nədir? Müsahibə mərhələsi: Sertifikasiya və MİQ arasında fərq nədir?](https://azedu.az/uploads/news/2024/08/azedu.az_1698041596_azedu.az_12_955_353.jpg)
![MDU-da “Tyutor xidməti - 2024” təlimləri çərçivəsində seminarlar keçirilib MDU-da “Tyutor xidməti - 2024” təlimləri çərçivəsində seminarlar keçirilib](https://azedu.az/uploads/news/2024/08/azedu.az_17250022613984028789_1200x630_842.jpg)
![Rekord sayda körpə doğulub Rekord sayda körpə doğulub](https://azedu.az/uploads/news/2024/08/azedu.az_IMG_9348_191.png)
![Şəkidəki bu məktəbin fəaliyyəti DƏYİŞDİ Şəkidəki bu məktəbin fəaliyyəti DƏYİŞDİ](https://azedu.az/uploads/news/2024/08/azedu.az_118523855_3244799365615912_1637893163469662027_n_32.jpg)
![Kolleclərin boş qalan yerlərinə qəbulun NƏTİCƏLƏRİ Kolleclərin boş qalan yerlərinə qəbulun NƏTİCƏLƏRİ](https://azedu.az/uploads/news/2024/09/azedu.az_azedu.az_3026a214-101c-3101-8224-2f8ee7c3845d_850_20_768.jpg)
![Füzulinin ilk məzunları – “Təsəvvür edə bilməzdim ki, burada oxuyaram” Füzulinin ilk məzunları – “Təsəvvür edə bilməzdim ki, burada oxuyaram”](https://azedu.az/uploads/news/2024/08/azedu.az_WhatsApp_Image_2024-08-29_at_13.40.35_826.jpeg)