Azərbaycan Milli Elmlər Akademiyası Mərkəzi Elmi Kitabxanasının (MEK) “Vikipediya” Metodik Mərkəzinin könüllüləri tərəfindən “Vikipediya”da Milli qəhrəmanlarımız haqqında ingilis dilində məqalələrin yaradılması prosesi davam edir.
AzEdu.az-ın məlumatına görə, MEK-dən AZƏRTAC-a bildiriblər ki, ingilis dilində yaradılan növbəti məqalələrdə Azərbaycanın milli qəhrəmanları - Naiq Yusifovun, Mərifət Nəsibovun, Mehman Sayadovun, Firudin Şamoyevin həyatı və keçdikləri döyüş yolu barədə ətraflı məlumat verilib.
Mərkəzin könüllüləri tərəfindən xarici dillərdə olan “Vikipediya”larda digər Milli qəhrəmanlarımız haqqında da məqalələrin yaradılması nəzərdə tutulur.
