Məlum olduğu kimi, bir neçə gün öncə 2023/2024-cü tədris ili üzrə məktəbəqədər təhsil müəssisələrinə qəbulun bitdiyi elan olundu. Bəs portal yenidən nə vaxt aktiv olacaq?

AzEdu.az xəbər verir ki, Elm və Təhsil Nazirliyinin Ümumi və məktəbəqədər təhsilin təşkili və idarə olunması şöbəsinin müdiri Elnur Əliyev məsələyə aydınlıq gətirib.

E.Əliyev bildirib ki, yaxın 1 ay ərzində məktəbəqədər təhsil müəssisələrinə qəbulun başlaması nəzərdə tutulur:

"İyul ayında uşaq bağçalarına qəbul üçün elektron qeydiyyat başlayacaq. Yaxın vaxtlarda qəbulla bağlı elan ictimaiyyətə açıqlanacaq.
Həmin qeydiyyat bitdikdən sonra boş qalan yerlərə qəbul davam etdiriləcək".