Bakı Dövlət Universitetinin (BDU) fakültə və kafedralarında boş olan vəzifələri tutmaq üçün müsabiqə elan edilib.
AzEdu.az xəbər verir ki, bu barədə BDU-nun mətbuat xidməti bildirib.
Qeyd edilib ki, boş olan vəzifələr Coğrafiya fakültəsində dekan, Əqli mülkiyyət hüququ, Fiziki coğrafiya kafedralarında kafedra müdiri və İqtisadiyyat kafedrasında baş müəllim vəzifələridir.
Müsabiqədə iştirak etmək üçün sənədlər seçkinin elan olunduğu gündən Elm və Təhsil Nazirliyi Kollegiyasının 2017-ci il 15 noyabr tarixli 5/5 nömrəli Qərarı ilə təsdiq olunmuş "Ali təhsil müəssisələrində kafedra müdiri, dekan və dekan müavini vəzifələrinin tutulması Qaydaları"na əsasən, 1 ay müddətində, 1996-cı 07 avqust tarixli 401 saylı “Ali təhsil müəssisələrində professor-müəllim vəzifələrinin tutulması qaydaları haqqında” Əsasnaməyə uyğun olaraq 30 gün müddətində qəbul edilir.
