Türkiyənin Düzcə vilayətində baş verən güclü zəlzələ nəticəsində xəsarət alanların sayı 35 nəfərə çatıb.

AzEdu.az xəbər verir ki, gecə saatlarında baş verən güclü zəlzələdə Düzcə Universitetinin binası, yaxınlıqda tələbələrin yaşadığı evlər, həmçinin yataqxanalar ciddi ziyan görüb.

Oğlan tələbələrin yaşadığı universitet binasının yaxınlığında yerləşən yataqxana isə zəlzələ həyəcanı ilə gecə saatlarında boşaldılıb. Tələbələr bir müddət küçədə qalmalı olublar.

Həmçinin zəlzələ səbəbilə universitetdə 23 noyabr - bir günlük tətil elan edilib.