https://www.zirve.edu.az/
22.10.2020 10:47
Təhsil Nazirliyi yanında İçtimai Şuradan Silahlı Qüvvələrə Yardım Fonduna ianə-FOTO  

 Azərbaycan Respublikasının Təhsil Nazirliyi yanında İctimai Şura Silahlı Qüvvələrə Yardım Fonduna ianə edib.

 

Bu barədə AzEdu.az İctimai Şuranın məsul katibi, fəlsəfə doktoru İlqar Orucov məlumat verib. O qeyd edib ki, Şuranın iclasında bu barədə qərar qəbul olunub və şura üzvlərinin topladığı vəsait Silahlı Qüvvələrə Yardım Fondunun bank hesabına köçürülüb.

 

Şuranın məsul katibi vurğulayıb ki, dövlətimizin imkanları genişdir və ordumuzun hərtərəfli təminatı istiqamətində Silahlı Qüvvələrin Ali Baş Komandanı, Prezident İlham Əliyev tərəfindən ən yüksək səviyyədə diqqət göstərilir. Lakin biz vətəndaş olaraq şanlı ordumuzun, əsgərlərimizin yanında olmaq, onlara dəstək vermək məqsədilə bu nəcib təşəbbüsə qoşulduq: “Əminik ki, Ali Baş Komandanımızın rəhbərliyi altında müzəffər Azərbaycan Ordusu düşməni torpaqlarımızdan qovacaq və dövlətimizin ərazi bütövlüyünü təmin edəcək”.`