“IV qrupa gedənlər ən hazırlıqlı şagirdlərdir. Bu ilin məzunlarının mediana balı 165 idi. Bu da yüksək göstərici idi”.
AzEdu.az xəbər verir ki, bunu Dövlət İmtahan Mərkəzinin Direktorlar Şurasının (DİM) sədri Məleykə Abbaszadə deyib.
O bildirib ki, IV qrupa gedənlər əsasən Azərbaycan Tibb Universitetini (ATU) istək kimi nəzərdə tuturlar:
“Biotexnologiya ilə məşğul olanlar koronavirusla mübarizədə ön sıralardadırlar. Ona görə də bu ixtisası seçənlərin gələcək perspektivləri böyükdür. Bu il üçün də bu ixtisas IV qrupda yenidir”.
