Bu il Masallı rayonunda 7 məktəbəqədər uşaq-tərbiyə müəssisəsinin tikilməsi və əsaslı təmir olunması nəzərdə tutulur. Artıq bu sahədə ilk addım atılıb.
AzEdu.az xəbər verir ki, Masallı şəhərinin Səməd Vurğun küçəsində 100 yerlik körpələr evi-uşaq bağçasının təməli qoyulub.
Müasir üslubda inşa edilən ikimərtəbəli uşaq-tərbiyə müəssisəsində uşaqların təlim və tərbiyəsi, istirahəti üçün hər cür şərait yaradılacaq.
Təməlqoyma mərasimində rayon rəhbərliyi, Milli Məclisin deputatı Məşhur Məmmədov iştirak ediblər.