https://www.zirve.edu.az/
08.01.2020 16:00
Şaxta babaya məktub yazan məktəbliyə çanta hədiyyə olundu

Quba Rayon Təhsil Şöbəsi Şaxta babaya məktub yazan məktəblini sevindirib.

AzEdu.az xəbər verir ki, modern.az-ın əldə etdiyi məlumata görə, Quba şəhəri Hacıbaba Əliyev adına 1 nömrəli tam orta məktəbin beşinci sinif şagirdi Lalə Kamalova Şaxta babaya məktub ünvanlayıb.

Yazdığı məktubda Şaxta babadan məktəbli çantası istəyən balaca Lalə həm də bu il özünü yaxşı apardığını və dərslərini yaxşı oxuduğunu da qeyd edib.

Bunun qarşılığında Şaxta babadan məktəbli çantası istəyən balaca Lalənin bu arzusu Quba Rayon Təhsil Şöbəsi tərəfindən gerçəkləşdirilib. Rayon Təhsil Şöbəsinin əməkdaşlarının təşəbbüsü ilə Lalə üçün məktəbli çantası və hədiyyələr alınıb, Şaxta baba tərəfindən ona təqdim olunub.