7 mart 2018-ci il tarixdə elan edilən 10 dövlət orqanında mövcud olan 198 vakant vəzifə (A növü üzrə) üzrə müsabiqənin müsahibə elanına qeydiyyat aprelin 7-də bitəcək.

Azedu.az xəbər verir ki, test imtahanından müvəffəqiyyətlə keçən namizəd müsahibə üzrə qeydiyyatdan keçmək üçün ilk növbədə sertifikatı əldə etmək üçün aprelin 16-dək DİM-in portalında müraciət formasını doldurmalıdır.

Müsahibə üzrə qeydiyyatdan keçmək üçün fiziki olaraq sertifikat tələb olunmur.

Namizədin təqdim etdiyi məlumatların düzgünlüyünün yoxlanılması məqsədi ilə aşağıdakı sənədlərin skan edilmiş surətləri formaya əlavə edilir: 

ali təhsil haqqında sənədin surəti; 

əmək kitabçasının surəti (olduğu halda)

Qeyd edək ki, müraciət formasına daxil edilən məlumatların və əlavə edilən sənədlərin düzgünlüyünün dövlət elektron informasiya vasitələri ilə yoxlanılması mümkün olmadığı halda, namizəd həmin sənədin (sənədlərin) müəyyən edilən qaydada təsdiq olunan surətlərini və ya eyniləşdirmə məqsədi ilə həmin sənədlərin əslini 5 (beş) iş günü müddətində DİM-ə (Gənclik binası, AZ1110, Bakı şəhəri, K.Rəhimov küçəsi, 874-cü məhəllə)  təqdim etməlidir.