Azedu.az

Barselonada Azərbaycanşünaslıq üzrə ilk magistratura proqramı başlayıb

AzEdu Təhsil Platforması

22 Noyabr 2026, 12:05
Barselonada Azərbaycanşünaslıq üzrə ilk magistratura proqramı başlayıb

İspaniyada Azərbaycanşünaslıq üzrə ilk magistratura proqramı Barselonada yerləşən Abat Oliba CEU Universitetində rəsmi olaraq fəaliyyətə başlayıb.

AzEdu.az xəbər verir ki, bu barədə Azərbaycan Xarici İşlər Nazirliyinin (XİN) "X" sosial şəbəkə hesabında məlumat paylaşılıb.

"Açılış mərasimində universitetin rektoru, Azərbaycanın İspaniyadakı səfiri, AIDA-nın direktoru və digər nüfuzlu şəxslər çıxış ediblər. Tədbir çərçivəsində Anlaşma Memorandumu da imzalanıb", - paylaşımda deyilir.

Qeyd olunub ki, bu təşəbbüs Azərbaycan-İspaniya akademik əlaqələrinin möhkəmləndirilməsi, Azərbaycanın tarixi, mədəniyyəti və müasir inkişafı haqqında biliklərin təşviqi, eləcə də akademik əməkdaşlığın genişləndirilməsi baxımından mühüm mərhələdir.

Bağça müəllimlərinin çoxu sertifikasiyadan KƏSİLƏCƏK
Son xəbərlərDaha çox