Vətən müharibəsində qazanılan Şanlı Zəfərdən sonra işğaldan azad edilmiş torpaqlarımızda Böyük Qayıdışın təmin olunması üçün genişmiqyaslı quruculuq və abadlıq işlərinə start verilib.
Bu tarixi prosesin ən mühüm tərkib hissələrindən biri kimi, Qarabağ Region Təhsil İdarəsinin əhatə etdiyi ərazilərdə də müasir təhsil infrastrukturunun qurulması istiqamətində misilsiz layihələr həyata keçirilir.
Maraqlıdır, Qarabağda təhsil istiqamətində hansı abadlıq işləri aparılıb?
AzEdu.az mövzu ilə bağlı Qarabağ Regional Təhsil İdarəsinə və Qarabağ Universitetinə sorğu ünvanlayıb.
Sorğumuza cavab olaraq bildirlib ki, "işğaldan azad edilmiş ərazilərdə fəaliyyət göstərən 19 ümumi təhsil müəssisəsində ümumilikdə 4 405 şagird təhsil alır.
Onlardan 290 uşaq məktəbəhazırlıq qruplarında, 407 uşaq isə birinci sinifdə təhsil alır".
Qarabağ Universitetindən isə bildirilib ki, universitetdə 3348 tələbə təhsil alır. 400-dən çox pedaqoji heyət çalışır.
