Təhsil Nazirliyinin İnsan Resursları şöbəsinin müdiri Eşqi Bağırov direktorların işə qəbulu ilə bağlı mediaya açıqlamasında ehtiyat siyahıda saxlanan namizədlər barədə məlumat verib. O bildirib ki, müsabiqə nəticəsində 228 nəfər müsbət qiymətəndirilib:
AzEdu.az xəbər verir ki, Nazirlik rəsmisinin sözlərinə görə onların arasında elələri də olub ki, mövcud yerlər onları qane etmir və digər gözləntiləri var. Belələri ehtiyat siyahıda saxlanır.
Bu il direktorların işə qəbul imtahanında bir neçə yenilik tətbiq olundu. Bu il test imtahanından öncə yerli təhsili idarəetmə orqanının rəyləri nəzərə alınmadı. Onların rəyi yalnız komissiyanın bir üzvü kimi müsahibədə nəzərə alındı.
Növbəti ildə də bunu dəyişməyi düşünmürük. Ümumiyyətlə, hazırda yeni qaydalar işlənilmir. Sadəcə qüvvədə olan qaydalar əsasında yeni müsabiqənin keşirilməsi nəzərdə tutulub. Ola bilər ki, test imtahanı bir az tez olsun, müsahibə isə payıza qalsın”.
