Astronomlar Günəşin səthində əvvəllər görünməmiş nəhəng burulğanabənzər plazma strukturlarını qeydə alıblar.
AzEdu.az xarici mediaya istinadən xəbər verir ki, bu hadisə Günəş atmosferində baş verən mürəkkəb maqnit prosesləri ilə əlaqəlidir və ulduzumuzun səthindəki enerji hərəkətlərini daha yaxşı anlamağa kömək edə bilər.
Müşahidə olunan bu “ulduz burulğanları” isti plazmanın sürətli hərəkəti nəticəsində yaranır. Tədqiqatçılar bildirirlər ki, bu cür strukturlar Günəş alışmaları və kosmosa yayılan güclü plazma axınlarının necə formalaşdığını araşdırmaq üçün mühüm ipucları verə bilər.
Alimlər bu kəşfi Günəşin davranışını öyrənməkdə yeni mərhələ kimi qiymətləndirirlər. Yeni müşahidələr həm kosmik hava hadisələrinin proqnozlaşdırılmasına, həm də digər ulduzların fəaliyyətini anlamağa töhfə verə bilər.
Fidan Şahkərəmova
