Fransa millisinin və Real Madrid klubunun yarımmüdafiəçisi Eduardo Camavinga hazırda Harvard Universitetində əyləncə, media və idman menecmenti üzrə diplom proqramını tamamlayıb.
AzEdu.az-ın əldə etdiyi məlumata görə, 23 yaşlı futbolçu 2026-cı il FIFA World Cup üçün Fransa millisinin heyətinə çağırılmamasından sonra vaxtını daha səmərəli dəyərləndirmək qərarına gəlib.
Bir çox idmançının belə vəziyyətlərdə məyusluq yaşadığı halda, Camavinga diqqətini şəxsi inkişafına və gələcək karyerasına yönəldib.
Gənc yarımmüdafiəçi hesab edir ki, futbol karyerası uzun olsa da, əbədi deyil. Bu səbəbdən o, idman həyatından sonrakı dövrə indidən hazırlaşmağa üstünlük verir. Dünyanın ən nüfuzlu ali təhsil müəssisələrindən biri sayılan Harvardda təhsil almaq da bu planın bir hissəsidir.
Camavinganın bu addımı peşəkar idmançılar üçün nümunə kimi qiymətləndirilir. Futbolçu yalnız meydandakı uğurları deyil, həm də gələcək həyatını formalaşdıracaq bilik və bacarıqları ön plana çıxararaq karyerasını daha geniş perspektivdə planlaşdırdığını nümayiş etdirir.
