AMEA-nın Mərkəzi Elmi Kitabxanasının Sərgi salonunda 2000 nüsxə sənəd nümayiş etdirilir.

AzEdu.az xəbər verir ki, sözügedən sənədlərdən 500-ü gündəlik yenilənir, digərlərinin kataloq siyahısı isə salondakı elekton tabloda oxucuya təqdim olunur.

2019-cu ildə Sərgi salonuna artıq 127 adda sənəd daxil olub. Bu sənədlərə Milli Rəqəmsal Yaddaş siyahısına daxil edilmiş “Xəlil Rza Ulutürkün poetikası” (müəllif Əlizadə Əsgərli), “Azərbaycançılıq” (müəllif Nizaməddin Şəmsizadə), iki cildlik “Azərbaycan Ordusunun tarixi” (müəllif Mehman Süleymanov) və başqa əsərlər daxildir. 

Qeyd edək ki, hazırda Sərgi salonunda 20 Yanvar faciəsi və şəhidlərimizin xatirəsinə həsr olunan yeni sənədlər hazırlanır.