XƏBƏRLƏR

19.09.2019 16:05
Orta ixtisas təhsili müəssisələrində oxuyanlar daha çox texniki ixtisaslara üstünlük veriblər

Ötən tədris ilində ölkəmizdə fəaliyyət göstərən 56 dövlət və qeyri-dövlət orta ixtisas təhsili müəssisəsində 51 min 741 tələbə oxuyub. Onların 47 min 597-si əyani, 4 min 144-ü qiyabi təhsil alıb. 2001-ci ildə isə orta ixtisas təhsili müəssisələrində təhsil alanların sayı 42 min 612 nəfər olub. Bu, illər keçdikcə orta ixtisas təhsili müəssisələrində oxuyan tələbələrin sayının artdığını göstərir.

AzEdu.az xəbər verir ki, bu məlumat Dövlət Statistika Komitəsinin yeni çapdan çıxmış “Azərbaycanda təhsil, elm və mədəniyyət” məcmuəsində əks olunub.

Məcmuədə bildirilir ki, ölkəmizin orta ixtisas təhsil müəssisələrində tələbələr daha çox texniki və texnoloji ixtisaslara (12 min 254 nəfər) üstünlük veriblər. İkinci yerdə təhsil ixtisasları qrupu (10 min 998 nəfər), üçüncü yerdə səhiyyə, rifah və xidmət ixtisas qrupları (10 min 61) gəlir. Humanitar və sosial ixtisaslar qrupunu isə 1157 nəfər seçib.

İlin gənc müəllimi-Müraciət formu