İngiltərədə İqlim Dəyişikliyi üzrə Müstəqil Komitə (Climate Change Committee) xəbərdarlıq edib ki, məktəb siniflərində havanın temperaturunun 36°C-yə qədər yüksəlməsi şagirdlərin diqqətini və öyrənmə qabiliyyətini ciddi şəkildə azaldır.
AzEdu.az xarici mediaya istinadən xəbər verir ki, komitənin hesabatında qeyd olunur yüksək temperatur şagirdlər arasında konsentrasiyanın pozulmasına, məhsuldarlığın və ümumi akademik nəticələrin aşağı düşməsinə səbəb olur. Bu isə xüsusilə imtahan dövrlərində özünü daha qabarıq şəkildə göstərir.
İqlim Komitəsi təcili tədbirlərin görülməsini və məktəb infrastrukturunda modern ventilyasiya və soyutma sistemlərinin tətbiqini tövsiyə edir.
