Birləşmiş Ərəb Əmirlikləri hökuməti dövlət məktəblərində 5-ci sinifdən yuxarı oxuyan bütün şagirdlər üçün pulsuz noutbuk paylanması qərarını açıqlayıb.
AzEdu.az xarici mənbədən aldığı məlumata əsasən xəbər verir ki, bu təşəbbüsün əsas məqsədi rəqəmsal təhsilin gücləndirilməsi, texnologiyaya çıxış imkanlarının artırılması və tələbələrin onlayn resurslardan daha geniş istifadə etməsinə şərait yaratmaqdır.
Proqram çərçivəsində şagirdlər həm dərs materiallarına, həm də əlavə təhsil resurslarına internet vasitəsilə çıxış əldə edəcəklər. Valideynlər və müəllimlər üçün isə noutbukların təhlükəsiz və səmərəli istifadəsi ilə bağlı təlimatlar hazırlanıb. Təhsil ekspertləri bildirirlər ki, belə addımlar BƏƏ-də təhsilin keyfiyyətinin yüksəlməsinə və rəqəmsal bacarıqların erkən inkişafına xidmət edəcək.
