Mayın 5-də Azərbaycan Dövlət İqtisad Universitetində (UNEC) fiziki məhdudiyyətli tələbələr üçün əmək yarmarkası təşkil ediləcək.

AzEDU AZƏRTAC-a istinadən məlumat verir ki, Əmək yarmarkası Təhsil Nazirliyi, Gənclər və İdman Nazirliyi, Əmək və Əhalinin Sosial Müdafiəsi Nazirliyi və UNEC-in birgə təşkilatçılığı ilə reallaşacaq.

Fiziki məhdudiyyətli gənclərin təhsilə cəlb olunması və onların məşğulluğunun təmin edilməsi məqsədilə keçirilən əmək yarmarkasında dövlət qurumları və tanınmış şirkətlər təmsil olunacaq. Yarmarka fiziki məhdudiyyətli tələbə və məzunların məşğulluq imkanlarını artırmaqla yanaşı, onların əmək bazarına çıxışını da asanlaşdıracaq.

Əmək yarmarkasında iştirak etmək istəyən fiziki məhdudiyyətli şəxslər öz CV formalarını [email protected] ünvanına göndərə bilərlər.