Azedu.az
https://modern.az/ https://www.instagram.com/apak.az/
2024-05-24 16:23:00
Sertifikasiyanın əsas məqsədi nədir? - mühüm AÇIQLAMA

Ötən il müəllim  sertifikatlaşdırma prosesinin test və müsahibə mərhələlərindən kəsilən 8047 müəllim bu il iyunun 8-də son dəfə imtahana buraxılacaq. Bəziləri düşünür ki, sertifikatlaşdırmanın məqsədi müəllimlərin sayını azaltmaqdır.

 

AzEdu.az-a açıqlama verən təhsil eksperti Rizvan Fikrətoğlu bildirib ki, sertifikasiyanın məqsədi müəllimlərin sayını azaltmaq yox, prosesdən savadsız müəllimləri uzaqlaşdırmaqdır.

 

“Artıq iki ilə yaxındır ki, ölkə ümumtəhsil məktəblərində çalışan müəllimlərin sertifikatlaşdırılması həyat keçirilir. Beş ildən bir keçirilməsi nəzərdə tutulan sertifikatlaşdırmanın reallaşdırılması, şübhəsiz, təhsilin keyfiyyətinə təsir etmək baxımından növbəti və daha güclü addımdır. Sertifikasiya bilik səviyyəsi zəif və yüksək olan müəllimləri üzə çıxaracaq, övladlarımıza təhsil verən müəllimlər arasında tanışlıqla işə düzələn, kənar ixtisas sahibləri tutduğu vəzifədən uzaqlaşdırılacaq. Eyni zamanda, müasir təhsil standartlarından xəbəri olmayan və yaxud 2008-ci ildən etibarən ölkəmizdə tətbiq olunmağa başlayan kurikulum sistemindən məlumatsız olan, ümumi təhsil vermək imkanları aşağı olan şəxslər prosesdən tədricən kənarlaşdırılacaq.

 

Prosesə ilk olaraq ibtidai sinif müəllimləri cəlb olunub. Daha sonra Azərbaycan dili və ədəbiyyat müəllimlərinin biliklərinin yoxlanılmasına başlanılıb. Sırada digər fənn müəllimlərinin də sertifikasiyadan keçməsi prosesi dayanır. Sertifikatlaşdırılma müəllimlərin maddi stimullaşdırılmasında əhəmiyyətli rol oynayır. 2022-ci ildə keçirilmiş sertifikatlaşdırma imtahanından sonra prosesi uğurla tamamlayaraq 51-60 bal yığan 3163 müəllimin əməkhaqqına 35 faiz, 30-50 bal yığan 5624 müəllimin əməkhaqqına isə 10 faiz əlavə edilib. Növbəti dəfə 2023-cü il üzrə sertifikatlaşdırmadan keçmiş 5246 müəllimin əməkhaqqına 35 faiz, 17 914 müəllimin əməkhaqqına isə 10 faiz əlavə tətbiq olunub. 2026-cı ilə qədər 135 min təhsilverənin sertifikatlaşdırmaya cəlb olunmasının planlaşdırılıb”.

 

“Sertikatlaşdırma övladlarımızın gələcəyi baxımından doğru addımdır”,-deyə müsahibimiz vurğulayıb:

 

“Hazırda orta ümumtəhsil müəssisələrində 4440-a yaxın müəllim təhsilverən statusundadır. Belə ki, 1 milyon 900 mindən çox şagirdin təhsilində birbaşa məsuliyyət onların üzərinə düşür. Təhsil verənlər o qədər təcrübəli və savadlı olmalıdır ki, gələcəkdə ixtisaslı kadrlar yetişdirə bilək. Bəzən düşünürlər ki, müəllimlərin sertifikasiyası onların sayının azaldılması üçündür. Ancaq bu, düzgün yanaşma deyil. Məqsəd müəllimlərin sayını azaltmaq yox, prosesdən savadsız müəllimləri uzaqlaşdırmaqdır”.

Məktəb psixoloqonun stolüstü
kitabı
Bağçalarla bağlı zəruri vəsait
ÇOX OXUNANLAR
SORĞU
"İlin gənc müəllimi"nin qalibi olaraq kimi görürsünüz?
Səs ver
FACEBOOK