"Dövlət Proqramı məzunlarının 66-sı işləyir, 43-ü isə hazırda iş axtarır".
AzEdu.az xəbər verir ki, bu sözləri “Dövlət Proqramı məzunları üçün Karyera Sərgisi”ndə Dövlət Proqramı İdarəetmə Qrupunun rəhbəri Turan Topalova bildirib:
“Bu statistika o demək deyil ki, 43 nəfər işsizdir. Xeyr, sadəcə onlar hissə-hissə ölkəmizə qayıdırlar. İşləyən məzunlarımızın 31 nəfəri dövlət, 31 nəfəri özəl, 4 nəfəri isə bank sektorundadır. Onlardan 62 nəfər Böyük Britaniya və Şimali (İrlandiya Birləşmiş Krallığında), 2 nəfər Türkiyə Respublikasında, 1 nəfər Amerika Birləşmiş Ştatlarında, 1 nəfər isə İsveç Krallığında təhsil alıb”.
T.Topalova qeyd edib ki, hazırda 41-i magistratura, 5-i bakalavr pilləsində olmaqla 46 tələbə dünya ən yaxşı 10 universitetində ("Universitetlər üzrə top 10") təhsil alır:
"Dövlət proqramı çərçivəsində oxuyan tələbələrin sayı 517 nəfərdir: "Azərbaycanlı tələbələr ən çox Böyük Britaniya, Türkiyə, ABŞ, İtaliya və Almaniyada təhsil almağa üstünlük verirlər. Xüsusilə informasiya texnologiyaları, maliyyə, iqtisadiyyat, təhsil sahəsi ən çox üstünlük verilən ixtisaslardır".
