2018-03-20 07:34:36
Tələbələrin tətil PLANLARI: “Bayramı cəbhədə əsgərlərlə keçirəcəyəm”
Bu gün Azərbaycanda Novruz bayramı qeyd olunur.
Orta və ali təhsil müəssisələrində şagird və tələbələrin tətili isə artıq başlayıb. Tələbələrin əksəriyyəti bayramı keçirmək üçün bölgələrə üz tuturlar. Bəs onlar yazın gəlişini özündə ehtiva edən Novruz bayramını necə keçirəcək?
AzEDU.az bu sualla bir neçə tələbəyə müraciət edib:
Bakı Dövlət Universitetinin tələbəsi Təhminə Quliyeva Novruz bayramını adi günlərdən fərqləndirmir:
“Düşünürəm ki, hansısa bayramın çox fərqli keçirilməsi uşaq vaxtı xoş təəssürat yaradan, amma indi məcburən nəyinsə xətrinə edilən bir şeydir. İstərdim ki, çox vaxt bayramlarda arzu olunan evlərdə qazan qaynaması duası hər gün üçün keçərli olsun. Yəni, bayram simvolikdir. Kanalların əvvəlki günlərə qayıdıb gözəl bayram konsertləri verməsini istəyirəm. Novruz bayramını da bayram olduğu üçün yox, təbiətin, torpağın oyandığı üçün sevirəm”.
Xəzər Universitetinin tələbəsi Ramal Bayramlı yeni il qədər olmasa da, Novruzu çox sevir:
“Bayramları sevməyimin əsas səbəbi bütün sevdiklərimi ətrafımda görməyimdir. Bayramda Ağdamda olacam. Kəndimiz cəbhə bölgəsinə çox yaxındır. Hər il cəbhədə xidmət göstərən əsgərləri ziyarət edib onlarla bir yerdə olmaqdan qürur duyuram. Arzum magistratura pilləsini bitirikdən sonra burada xidmət etməkdir”.
Azərbaycan Dillər Universitetinin tələbəsi Nərmin Cəfərzadə isə Novruz bayramına o qədər də əhəmiyyət vermir:
“Novruz yazın gəlişinə təsadüf etiyinə görə istər-istəməz hamıda bayram əhval ruhiyyəsi yaradır. Bu səbəbdən rayona gedib təbiətin gözəlliyini göstərdiyi yerlərdə olmaqdan zövq alıram”.
Azərbaycan Dövlət İqtisad Universitetinin tələbəsi Təranə Quliyeva hər il Novruzu səbirsizliklə gözləyir:
“Bayramda milli adət-ənənələrimizi, xüsusən də papaq atmağı çox sevirəm. Təəssüflər olsun ki, bu adət-ənənələrimiz zamanla sıradan çıxır. Məsələn, əvvəllər papaq atanda hər kəs həvəslə evinə papaq atılmasını gözləyirdi. Amma indi əksinədir. Elə evlər var ki, ümimiyyətlə, papaq atılanda qapını açmırlar”.
Azərbaycan Memarlıq və İnşaat Universitetinin tələbəsi Emil İbrahimli bayramı rayonda ailəsiylə bir yerdə keçirəcək:
“Avtovağzalda insan izdihamı olduğu üçün bir neçə gün əvvəldən rayona getməyə məcbur oldum. Sevdiklərimin əhatəsində, böyüklərimin yanında bir süfrədə oturmaq mənim üçün ən gözəl bayramdır”.
Nəzrin Rüstəmova
Bu bölməyə aid digər xəbərlər
AzMİU-da Pilot tədris həftəsi başlayıb
2024-04-24 15:06:44
AzTU-nun nizamnamə fondunun həcmi açıqlanıb
2024-04-20 12:48:00
Azərbaycan Texniki Universiteti publik hüquqi şəxsə çevrildi
2024-04-20 11:44:51
MDU Ali Təhsil Liderlik Forumunda təmsil olunur
2024-04-18 09:13:27
“Cümhuriyyət məfkurəsi” kitabı çapdan çıxıb
2024-04-17 17:18:53
Rektor imtahanında maksimum bal toplayan şagirdlə görüşüb
2024-04-17 16:56:51
LDU-da Memorandum imzalanıb
2024-04-15 16:28:26
ADPU-nun dekanı vəfat etdi
2024-04-13 10:54:06
Səfirlik GIPA jurnalistika üzrə magistr proqramına tələbə qəbulu elan edib
2024-04-06 16:54:16
AzTU şəhid məzununa həsr olunan anım tədbiri...
2024-04-05 17:13:25
kitabı
ÇOX OXUNANLAR
18 Aprel 2024, 12:35
Sertifikasiya imtahanının vaxtı AÇIQLANDI
18 Aprel 2024, 10:04
DİM-dən 17 mart buraxılış imtahanının nəticələri ilə bağlı AÇIQLAMA
20 Aprel 2024, 17:42
300 bal toplayan 9-cular - Onlar bu liseyin şagirdləridir
17 Aprel 2024, 10:21
Sertifikasiya:“Müəllimlərin hazırlığa getməsi qəbuledilməzdir”
19 Aprel 2024, 16:54
Qəbul imtahanında hansı yeniliklər olacaq? - Məleykə Abbaszadədən AÇIQLAMA
22 Aprel 2024, 09:57
7 aprel buraxılış imtahanının nəticələri bu tarixdə AÇIQLANACAQ
19 Aprel 2024, 16:09
Regionlar üzrə ən çox bal toplayanlar... Şəki-Zaqatala bölgəsinin ŞAGİRDLƏRİ
17 Aprel 2024, 12:14
Regionlar üzrə ən çox bal toplayanlar – Mərkəzi Aran bölgəsinin ŞAGİRDLƏRİ
FACEBOOK