“ll qrupda Azərbaycan bölməsi üzrə 10 mindən çox plan yeri ayrılıb”

AzEdu.az xəbər verir ki, bu barədə Dövlət İmtahan Mərkəzi (DİM) Direktorlar Şurasının sədri Məleykə Abbaszadə Mərkəzin “Youtube” kanalında canlı yayım zamanı I və III qruplar üzrə “İxtisas seçimi zamanı nələrə diqqət yetirməli?” mövzusunda danışarkən bildirib. O vurğulayıb ki, ll ixtisas qrupu üzrə  bütün apellyasiyalar bitib:

"Bu qrup üzrə bütün məlumatlar hazırda əlimizdədir. ll qrupda Azərbaycan bölməsində 299 ixtisas üzrə seçim aparmaq olar. Sözügedən ixtisaslar müxtəlif ali məktəblərdədir. Azərbaycan bölməsində 10 min 190 plan yeri təqdim olunub. Rus bölməsi üzrə isə ixtisasların sayı azdır. 20 ixtisas təqdim olunur plan yeri isə 555 plan yeri mövcuddur”.