Bildiyimiz kimi, məktəbli formalarının qiymətləri artıq müəyyənləşib. Bakı Tikiş Evindən verilən məlumata görə, həm qış, həm də yay köynəklərinin qiyməti 15 manatdır. Şalvar və ətəklər 25, jaketlər isə 30 manatdır.
Son zamanlar sosial şəbəkələrdə valideynlər arasında qiymətlərin baha olmasına dair iddialar var. Artıq məşhur sənətçilər də bu məsələ ilə bağlı fikir bildirirlər.
AzEdu.az xəbər verir ki, tanınmış müğənni Nura Suri də məktəbli formalarının qiymətlərinin yüksək olmasına narazılıq ifadə edib:
İfaçı qeyd edib ki, məktəbli formaları pulsuz olmalıdır:
"Qarşıma məktəbli geyimlərinin qiyməti ilə bağlı bir status çıxdı. Bir neçə övladı olan valideyn bu formanı necə alsın? Dövlət məktəbləri pulsuzdursa, forma da pulsuz olsun!".
Məktəb ləvazimatları da bahadır, geyim də. Ümumiyyətlə, 300-500 azn maaş alan ailələr necə dolansın? Marketlərdə qiymətlər hər gün qalxır.
Ərzaq baha, geyim baha, maaş az. Kommunaldan heç danışmıram. Pensiya ilə dolananlar nə yeyir, kommunalı necə ödəyir? Bu problemin bir əlacı var ? !".
